El govierno local de Lamitan ya dale un “Heroes Welcome” con el mga soldao que ya sale na gyera desdel ciudad de Marawi por cingco meses.
Na llegada diila na mensyonao ciudad, mismo el alcalde de Lamitan Rose Furigay junto con losdemas mga oficiales y mga vivientes el ya engcontra canila na pantalan local, donde desfues ya endereza para na city hall por el un corto programa lo mismo postura de unidad por el diila grande contribucion para el libertad del Marawi desdel mga terrorista que el losdemas stave tambien ma mismo provincia de Basilan.
Na su mensaje, el alcalde Furigay ya abla cay un grande honor para con mga Lamiteños que chene el tal calidad del mga soldao que ya dura ya tambien servi y guardia con el diila ciudad hasta aura.
Desfues del cingco meses estada na Marawi, el mga soldao desdel Army Scout Ranger Battalion ya man-re-deploy na Lamitan por el continuacion del diila misyon para neutraliza con el mga bandido Abu Sayyaf na provincia de Basilan. – Bhong Simbajon/RMN News
