Maga miembro del Philippine Coast Guard quien ya man escort con cuantos prensa desde Basilan para aqui na ciudad ya puede aguanta con un lancha ta carga 500 alegao smuggled arroz na mar de Zamboanga City.
Tarde ya del Domingo cuando el barco del Coast Guard ta navega desde Malamawi, Isabela City Basilan para na Zamboanga City muntando el cuantos prensa cuando ya columbra sila con el lancha con marca M/L Sabrina con ocho maga tripulante estaba na Malaysia para na ciudad tambien.
Por el suspecho, el maga Coast Guard ya chequia con el lancha y alla sila ya descubri con el 500 saco de arroz y otro pa maga carga que t acre como maga smuggled.
Durante el imbestigacion, el maga tripulante del lancha nohay puede presenta papeles del maga carga razon para aguanta canila el coast guard y ya lleva para aqui na ciudad.
Con el lancha y el maga carga esperansao ay entrega na Bureau of Customs.
