Sa interbyu sa DXDC RMN Davao kang Police Major Joel Caesar Cabe, Acting Chief of Police sa Kapalong MPS, iyang gisaysay nga nagsugod ang insidente sa dihang gisita sa biktima nga si Agapito Asio, 54 anyos, head security sa Lapanday Foods Inc., taga Mandug, Davao City, ang upat ka indibidwal nga misulod sa lugar ug mi-insist nga sila ang nanag-iya sa maong pribadong area.
Tungod sa pagdumili sa nahisgutan human sila gibadlong, didto na gitigbas sa usa ka alyas Ner ang biktima gamit ang lagaraw rason sa kamatayon niini. Usa usab sa mga suspek ang mi-surrender sa awtoridad nga nailang si Reinhart Rabino.
“Land dispute yun. Homicide yun. Bale, gisita lang sila sa guard then nagkainitan, mao ‘to natigbasan niya. Gi-raise namo ang crime as murder. Bahala na si judge, ang court kung ilang baba og homicide ang case,” saysay ni Cabe.
Padayon karon ang hot pursuit operations sa kapulisan sa uban pang nalambigit sa krimen.
RadyoMaN Kirby Manzon
