CLUP NECESITA HACE PASA-CLIMACO
Ya apela el alcalde Beng Climaco-Salazar con el mga myembros del consejo local para hace ya pasa con el Comprehensive Land Use Plan (CLUP) na diila primer session este dia.
Asegun con el alcalde, el CLUP bien importante para el movimiento del govierno local para establiza con el mga nuevo growth centers del ciudad de Zamboanga.
Na tema de “Building a REsillient Zamboanga City” del su State of the City Address (SOCA), el alcalde Climaco ya explica con el mga consejales el importancia del pasada del CLUP y el contribusyon de este para na ciudad.
Apelo del alcalde con el mga consejal del fueblo para pinaliza ya y aprova el CLUP para fuede ya tambien menya el govierno local por el concierne de economiya y mejoras para del mga vivientes del ciudad. – Bhong Simbajon/RMN News
