LANDSLIDE ALERT | Pagkatup-ay sang duta, natabo sa San Vicente Jamindan bangud sa mabaskog nga pag-ulan!

595

JAMINDAN, CAPIZ – Ginkumpirmar ni Jamindan MDRRM Officer Mr. Antonio Emilio Orocio III nga may nalista nga insidente sang landslide sa banwa sang Jamindan bangud sa mabaskog nga pag-ulan dala sang Bagyo “Usman”.
Suno diri, mga alas singko sang kaaganhon sa Brgy. San Vicente Jamindan gulpi lamang nga natup-ay ang duta malapit sa mga poluy-an kun sa diin natabunan ang porsyon sang national highway nga nagakonektar sa banwa sang Jamindan kag Tapaz.
Sa subong passable na ang amo nga dalan matapos nga insigida nga ginpadal-an sang heavy equipment agud nga gilayon makuha ang mga labno kag duta.
Nahibaloan nga antes sini, nagpaguha sang warning ang NDRRMC nga ginpaidalom ang probinsya sang Capiz sa ORANGE RAINFALL ALERT bangud sa wala untat nga ulan nga magaresulta sang pagbaha ukon pagtaas sang lebel sang tubig sa mga kasubaan. Samtang sa interview kay Mrs. Jing Pelaez sang PDRRMO-Aksyon Tabang, pila na ka mga barangay sa banwa sang Jamindan ang apektado sang baha. Ini ang ginalakipan sang Brgy. San Vicente, Baye-baye, Lucero, Poblacion, Pangabuan, Linambasan, Lapaz kag barangay sang Jagnaya.
photo © MDRRM Officer Mr. Antonio Emilio Orocio III

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments