Roxas City, Capiz- Isa ka resolusyon ang ginduso ni Committee on Environment Chairman Board Member Eleuper “Bulilit” Martinez agud nga ipatawag ang representante halin sa Mines and Geosciences Bureau- 6 sang DENR sa pagtambong sa isa ka consultative meeting.
Katuyoan sini nga matumod ang mga area sa Capiz nga may daku nga risgo nga luntaran sang landslide tuga sang ilegal nga pagmina ukon ilegal nga quarry.
Partikular nga ginhalimbawa ni Martinez ang duha ka mga trahedya nga natabo sa Cebu kon sa diin pila ka mga persona ang ginbawian sang kabuhi matapos nga natabonan sang labno kag duta ang mga poluy-an sang mga ini kun sa diin ang isa sa mga ginapahayag rason amu ang pagmina sa lugar.
Kinahanglan suno kay Martinez nga ma-preempt ukon malikawan ang kaparehas nga insidente sa Capiz.
Ini ang nagapati nga indi malayo nga matabo ang kasubong nga trahedya sa Capiz kun magapadayon kag indi ma-regulate ang nasambitan nga aktibidad.
