![WEBSITE-18-×-10-in-2024-02-12T095615.141.jpg](https://i0.wp.com/rmn.ph/wp-content/uploads/2024/02/WEBSITE-18-×-10-in-2024-02-12T095615.141.jpg?resize=696%2C387&ssl=1)
Sa pakighinabi sa DXDC RMN Davao kang Edward Macapili, ang Executive Assistant on Information and Communications sa PDRRMO Davao de Oro, iyang gibutyag nga tungod sa kadaot nga gibilin sa landslide, ginaimbestigan karon sa panggamhanan ug mga ahensya lakip na ang Department of Environment and Natural Resources (DENR) ug Mining Regulatory Board kung angay pa bang papuy-an og balik ang Zone 1, Brgy. Masara.
Sa pagkakaron, gikan sa serye sa mga kalamidad, wala tugoti sa lokal nga panggamhanan ang mga pamilya nga mubalik sa ilang mga panimalay hangtod wala pa ang resulta sa imbestigasyon ug wala pay clearance nga sila pwede nang paulion.
Matud ni Macapili nga samtang anaa pa sa evacuation centers ang libuan ka mga indibidwal, gipanigurado sa Provincial Government of Davao de Oro nga mahatag ang ilang panginahanglan.
“Mga tawo, pamilya o biktima sa kalamidad sa Davao de Oro, gihangyo nga magpabiling kalmado tungod dili makatabang ang pagkataranta sa rescue operation. Rest assured nga naa ang probinsya sa Davao de Oro sa pagpaningkamot nga mahimong paspas ang operation, ” pamahayag pa ni Macapili.
RadyoMaN Ivy Parido