Langyaw napalgang patay

43

Davao City – Patay’ng lawas sa langyaw ang napalgan sulod sa usa ka kuwarto sa ika-limang andana sa usa ka Tower Condominium sa Porras Street, Brgy.15-B, syudad sa Davao.

Subay sa report sa Sta. Ana Police Station, naila ang biktima Tien Su Yeo , 47 anyos, minyo, Singaporean, Country Manager of Shipping Line Company ug residente sa nasangpit nga Barangay.

Sa inbestigasyon sa kapolisan, sumala sa asawa sa biktima nga si Gelyn Nasara pasado alas 5:00 sa hapon gisuwayan pa niya og tawag ang biktima apan wa na makontak hinungdang iyang gisusi sa lawak sa dihang pag-abri nakita na lamang nga naghigda sa salog nga wa nay kinabuhi.

Sa gihimong paghiling sa SOCO Team sa biktima, walay nakitang foul play sa kamatayon niini.

Patay’ng lawas ni Yeo, ipa-ilawom sa awtopsiya aron masayran kun unsay hinungdan sa kamatayon.

RadyoMaN Don Pulayao

Facebook Comments