Gikan sa komportabling lugar sud sa usa ka hotel , bugnaw nga rehas ang nalandigan sa usa ka Dutch national ug gikauban niining babaye ,human sila ipadakop sa asawa sa maong langyaw .
Nasundan sa pinay nga asawa nga si Emie Maguindang Banerborn ang iyang bana nga si Andray , kauban ang usa ka batan-ong babaye ug nisud sa hotel nga nahimutang diha sa dalan Osmeña Boulevard ug Sanciangko .
Si Emie nanawag dayon sa Carbon Police Station aron mangayo ug tabang aron dakpon ang iyang bana apil na ang kaubang babaye .
Giatngan sa mga sakop ni Police Chief Inspector Jacinto Mandal ang langyaw ug ang kauban niini nga usa ka 19 anyos nga mogawas sa hotel ug didto gidakop dayon .
Ang langyaw ug ang kauban niining babaye nga ginganlan ug Jofel Cuaresma nga taga Cagayan de Oro City natanggong karon sa Carbon Police Station.
