By: *Tita Jen Palomo Debaja <www.facebook.com/jennifer.debaja1?hc_ref=ARQ1aJghCQe0TF_cteKlY6ELDErdjTvUtOgDkRnBGIRyPHEbgdJgGeh3ve9PHVFXZEE&fref=nf>*
Isa ka anghel ang wala na nakagwa nga buhi sa tiyan sang iya iloy matapos ang malapit 18 ka oras sa emergency room sang Aklan Provincial Hospital.
Suno sa iloy sang nanay sang lapsag, alas 6 sang aga kahapon Hulyo 25 sang gindala siya sa ospital tungod nakabatyag na ini nga mabata.
Ginpahibalo sila sang nurse nga wala sang doktor nga maasikaso sa iya kag normal man kuno ang iya pagbata.
Takna alas 3 na sang hapon sang gin sekyar siya sang isa ka doktora.
Ginsilingan siya sang doktora nga kon pwede ecaesarean delivery nalang niya ang bata apang nagliwat man ang nurse tungod sa 8-9cm na ang pwerta kag hulaton nalang kuno nga mag 10cm na.
Liwat siya nga ginbilin sang doktora sa emergency room kg takna alas 10 sang gab e sang nagrequest siya sa nurse nga pahibalu on ang iya mister nga itransfer na lang sila sa Aklan Mission Hospital para magpa caesarean tungod tama nagid kasakit ang iya nabatyagan. Apang wala gali sang nurse ginpalab ut sa iya mister ang mensahe.
Takna alas 11 sang gab e sang naghina na ang heartbeat sang lapsag kag pati ang iloy gin oxygen na.
Gindala siya sa delivery room pasado alas 12 sang tungang-gab e kag napagwa niya man tuod ang lapsag apang wala na ini sang kabuhi.Ginbasol pa ini sang doktora nga ang subra nga pag ere sini ang kabangdanan nga ginkamatay sang lapsag.
Dugang pa sang iloy, wala naman sang nangin depirensiya sa mga resulta sang eksaminasyon sa iloy kag lapsag samtang ini naga mabdos.
Naka desisyon na nga magapasaka sang reklamo ang pamilya tungod nagapati ang mga ini nga kapabayaan sa ospital ang rason kon ngaa napatay ang lapsag.
Photo credit to owner.
