President Roxas, Capiz- Nag-negatibo sa swab test ang lapsag sang isa ka ginang nga nareport na nagpositibo sa COVID 19 corona virus.
Ini ang ginkumpirmar ni Mayor Reciliste Escolin sang banwa sang President Roxas sang ma- interview sang news team.
Suno sa alkalde, na-separar na ang amu nga lapsag sa iloy nga subong yara na- quarantine na sa COVID hospital sa Capiz.
Aminado si Mayor Recileste Escolin, nabudlayan ang mga ini nga makumbinser nga dal-on ang amu nga ginang bangud man naga-ulingag sa duha ka bulan pa lamang sini nga lapsag.
Samtang ginkumpirmar sang alkalde nga nahatagan naman sang LGU sang ayuda ang mga naka-close contact kag pamilya sang amo nga pasyente.
Sa subong naka-isolate anay ang bata apang ini ang igapaidalom sa confirmatory test bangud naka-upod pa ini sang iloy sang pila ka adlaw antes nga nakaguha ang resulta sang RT-PCR test sini.
