Largo hora del tiangue

El assistant City Administrator Cesar Raz ya confirma tiene el gobierno local el plano para extende el hora del todol tiangue publico para gendeh man apurahan el maha gente anda man tiangue despues del diila trabaho.
Na entrevista del RMN Zamboanga live con Raz ya habla le unu se del disuyu maga plano del mejoramiento na ciudad donde este ay puede acomoda con todol aquelios tiene trabaho.
Asegun con Raz, conforme-esta, todol tarde hasta para ecuricia ta man apurahan el maga gente anda na tiangue despues del diila trabaho para hace apas con el hora del tiangue antede serra este.
Si Raz ya habla ya acustumbra el publico man lagasan para na maga tiangue porcausa hasta alas 8 lang del noche pero si extende este tiangue publico hasta media-noche gendeh mas man apurahan el maga gente.
En este manera ay menora pa el dasug del trafico na maga calle y confortable pa el maga gente man tiangue.
Ta roga si Raz que ay consigui este su plano porcausa ta cre le grande ayuda este con el publico.

Facebook Comments