Davao City – Dako ang paglaum ni Amateur Boxing Association of the Philippines (ABAP) Davao City Coach Rey Lariosa nga modaug si Pinoy Boxer Carlo Paalam batok sa iyang kontra nga si British Boxer Galal Yafai alang sa Men’s Boxing Flyweight finals sa 2020 Tokyo Olympics karong adlawa.
Sa interbyu sa DXDC RMN Davao gisulti ni Lariosa nga dili igsapayan ang ilang edad, kundi ang record tungod kay lamang og napulo ka daug si Paalam kontra kang Yafai.
Matud ni Lariosa, dili basehan ang edad kundi ang abilidad diha sa pag-away, si Paalam 23 anyos, samtang si Yafai 28 anyos.
Bugtong gipanganti lamang sa boxing coach ang kondisyon sa panglawas ni Paalam nga maoy bugtong hinagiban aron mapukan si Yafai sa ilang ayaw unyang ala 1:00 sa hapon ug maangkon sa Pilipinas ang ikaduhang bulawang medalya sa natad sa boxing.
RadyoMaN Bernard Pantallon
