ILOILO CITY – Bukas si former Local Water Utilities Administration (LWUA) Administrator Larry Jamora sa posibilidad nga magsulod liwat sa politika.
Sa interview sang RMN Iloilo kay Jamora, ginpahayag sini nga bukas man siya sa posibilidad nga magpadalagan bilang congressman sa Iloilo City upod kay Mayor Jose Espinosa III.
Sa pihak sini, ginpahayag ni Jamora nga magabulig siya anay kay Mayor Espinosa.
Ginhingyo man ni Jamora nga ipahigad na lang anay ang pulitika kag magbinuligay ang tanan para sa kauswagan sang syudad.
“Dugay pa man to ang election sa 2019, siling ko nga-a abi hindi anay kita magbulig sa administration ni [Mayor] Joe III, kay by stroke of chance nag-mayor siya overnight… May mga issues bala nga wala mo gid naplanuhan kon ano ubrahon mo kay gulpi gid [moh], gulpi lang nagmayor siya. Sa akon ya position subong… might that, ma reach out and help out anay sa administration kay kakapoy naman na nga pang-away kag away… daw ka counter productive bala…”
Aminado si Jamora nga may nagreach-out sa iya halin sa kampo ni Espinosa tuhoy sa politika.
“May nagreach out abi sa akon, siling ko hindi lang ta anay mag-estorya sa politika bi, buligan ta anay si Joe.”
Suno kay Jamora, dapat hatagan sang tion si Espinosa nga ubrahon ang iya katungdanan bilang alkalde sang syudad.
Bukas naman si Jamora sa posibilidad nga magtandem kay Espinosa sa 2019 elections.
Photo via IMT
