Davao City – Ang last digit number na maoy bag-ong sundon karon sa gipatumang Food and Medicine Pass Number Coding Scheme dinhi sa syudad sa Davao.
Ang mga FM Pass code nga adunay katapusang numbers 1, 3, 5, 7, 9 makagawas sa Lunes, Miyerkules ug Biyernes, Samtang ang mga FM PASS code nga adunay katapusang numbers 2, 4, 6, 8, 0 makagawas sa Martes, Huwebes, Sabado ug adlaw’ng domingo walay gitugutang makagawas sa bisan asa nga number coding.
Gimanduan ang katawhan nga butangan og Cluster number ug last digit sa FM Pass code number ang mga FM Pass. Kinahanglang dako ang pagkasulat gamit ang marker o pentel pen aron dali kining makita sa mga awtoridad sa checkpoints.
Subling nagpasidaan si Davao City Mayor Sara Duterte nga gamiton lamang ang FM PASS aron magpalit ug pagkaon ug medisina sulod lang sa ilahang mga clusters.
“Do not move outside your cluster. Ayaw mo’g duol sa Talomo area, Buhangin area and sa Poblacion area,” saysay sa alkalde.
Walay kausaban sa mga gipatumang clustering tungod kay kini ang gibasehan karon sa pagkontrola sa pagkaylap sa impeksyon sa mga gikonsiderang hotspots areas.
Mag-atubang ug silot ang bisan kinsang mogamit sa FM Pass sa laing mga tumong sumala sa Mayor.
Ang mga gikonsiderang Authorized Persons Outside Residences (APOR) ug emerhensiya dili na kinahanglan og FM Pass.
RadyoMaN Aimee Guinita
