Tuloy-tuloy pa rin ang pagbibigay ng regalo at saya ng programang Laughter is the Best Magazine Show (LBMS) DZXL Radyo Trabaho.
Ngayong araw ay lumabas muli ang team para personal na ibigay ang premyo sa mga bagong nanalo sa ‘Wi-Fi Mo, Sagot ng Radyo Trabaho’ promo.
Sa interview ng LBMS anchors, sinabi ni Carmen Gonzales ng Quezon City na malaki ang maitutulong ng kaniyang natanggap na Prepaid Home Wi-Fi dahil hindi na kailangan pang mangapitbahay ng kaniyang mga apo para lang maka-connect sa internet.
Sa ngayon, dalawampu’t dalawang masusugid na mga tagapakinig na ang nakatanggap ng libreng Prepaid Home Wi-Fi mula sa DZXL Radyo Trabaho.
Madadagdagan pa ito mamayang hapon dahil susunod namang pupuntahan ng LBMS team sina Cristy Candido at Noemi Mentino na parehong taga-Caloocan City.
