Roxas City, Capiz – Ginkumpirmar ni Lawaan Punong Barangay Jocelyn Asis nga may yara sang 15 tanan ka mga persona nga halin sa Metro Manila ang gin-quarantine sa iya barangay.
Ang mga ini ang mga empleyado sang cold chain facility nga nahamtang sa Pueblo de Panay sa Barangay Lawaan, Roxas City.
Suno kay Asis, sa subong yara ang mga ini nagatener sa isa ka balay nga ginhimo bilang quarantine facility sa sulod na sang pito ka adlaw.
Nakuhaan naman ang mga ini sang rapid test kun sa diin lunsay naman sila nag-negatibo.
Samtang ginahulat na lamang ang resulta sang swab test nga posible maga-abot anuman nga inadlaw subong nga semana.
Ginpasiguro naman ni Asis nga ma-obserbar sang mga ini ang nagakaigo nga isolation kag quarantine protocol.
Facebook Comments
