Davao City – Narekober alas 9:31 sa buntag, Oktubre 23, 2025, ang duha ka patay’ng lawas sa landslide site sa Sitio Kipolot, Barangay Palacapao, Quezon, Bukidnon, nga mao sila Elle ug Telma Ubatay, nga na-missing human sa nahitabong landslide sa Overview, Palacapao, Bukidnon niadtong Oktubre 18, 2025.
Human sa lima ka adlaw nga pagpangita, natultulan ang nahimutangan sa mga biktima pinaagi sa tabang sa Search and Rescue (SAR) dogs sa 10th Infantry Division ug paggamit sa mga backhoe sa pagkalot.
Nahibaluan nga una nang nakit-an ang bao-bao ug personal nga gamit sa mga biktima niadtong Dominggo, Oktubre 19.
Gani, nagpasalamat ang lokal nga pamunuan kang Gov. Oneil Roque, PDRRM Officer Johan Damasco, 403rd Brigade, 10th Infantry Division, Bukidnon PPO, ug sa mga DRRM teams sa Valencia, Dangcagan, Kalilangan, Kadingilan, Damulog, ug Maramag, uban ni Brgy. Capt. Ronaldo Nietes, sa ilang dakong tabang sa operasyon.
RadyoMaN Wil Duran
Facebook Comments
