Lawas sa usa ka lalaki, patay nang napalgan sa kahumayan

Davao City- Gilayong niresponde ang sakop sa Santo Tomas Municipal Police Station aron ikumpirma ang balitang niabot sa ilang buhatan nga aduna’y lawas sa usa ka lalaking nakaplagan nga nagbuy-od ug wala na’y kinabuhi sa usa ka humayan sa Prk 12 Brgy San Vicente, Santo Tomas, Davao del Norte.

Sa pakighinabi sa DXDC RMN Davao sa Santo Tomas MPS, gibutyag nila nga nagpahigayon na sila karon og follow-up and thorough investigation human nigula sa inisyal nga imbestigasyon ang giingong anang gabii bag-o nakita ang patay nga lawas sa biktima, nangayo kini og kwarta sa igsuon aron mutan-aw og live band o disco sa Barangay Salvacion sa samang munisipalidad.

Giila ang biktima nga si Ruel Lamprea, 45 anyos ug residente sa Purok Mahayahay, Brgy. Cabay-Angan, Braulio E. Dujali, Davao del Norte kinsa napalgan nalang nga puno og samad dinunggaban ang kalawasan.

Nakuha usab sa crime scene ang 9 inches nga kutsilyo.

Butyag sa kapamilya niining si Reycel Lamprea Salvo Arro, hustisya ug kooperasyon ang ilang ginapangayo ug sila nanghinaut nga aduna’y witness nga isog mutabang kanila aron wala na’y samang krimen ang mahitabo sa maong komunidad.

Nagpahigayon na og Manhunt Operation ang mga otoridad aron sa hingpit masikop ang suspect ug masuta ang motibo sa pagpanunggab patay.
RadyoMaN Ivy Parido