Patay ang usa ka myembro sa Jamilon Tukalan human ilang na engkwentro ang elemento sa Bravo company sa armadong kusog sa pilipinas, 905th Company of Regional Mobile Force Battalion ug kapulisan sa Sirawai.
Gibutyag sa imbistigadaor nga si PO3 Rashid Rivera Paniorotan ang napatay nga sakop sa Tukalan group mao si Haton Hassan, kahinumduman apil kini siya sa upat ka mga lawless element nga engkwentro sa mga tinugyanan sa balaod didto sa Sitio Marjadia, Brgy. Panabutan, sakop sa lungsod sa Sirawai niadtong adlawng sabado bandang 5:00AM.
Nakuha sa napatay nga suspetsado ang usa kalibre 45 nagtangag sa SN 597402. Ang maong engkwentro milungtad kini ug 5 minutos.
Lakip usab nakuha ang nagkadaiyang klase sa cellphone sa encounter site ug anaa na kini karon sa kustodiya sa Sirawai MPS alang sa tukmang disposasyon.
Ang kapulisan karon sa Sirawai ug armadong kusog sa pilipinas padayon ang ilang pagpangita sa nahabiling kauban aron manubag sa salaod nga ilang nabuhat.
