Sirawai Z.N – Patay ang usa ka miyembro sa lawless elements human miulbo ang engkwentro tali militar ug armadong grupo pasado alas 5:00 sa buntag niadtong adlaw’ng sabado nahitabo sa Sitio Marjadia, Brgy.Panabutan, lungsod sa Sirawai, Zamboanga Del Norte.
Sa report sa Sirawai Municipal Police Station, naila ang namatay nga si Haton Hassan, hingkod ang edad residente sa maong lungsod.
Sumala pa samtang naglusad og operasyon ang Bravo Coy. Philippine Army nga gipangulohan ni 2nd LT. Jaynon Basoy ug 905th Mobile Company sa Regional Mobile Force Battalion 9 nga gipangulohan usab ni PSI ALLAN R. ROSETE, naka-engkwentro nila ang gibana-banaang 4 ka mga armadong grupo ubos sa lider nga usa Jamilon Tukalan gikaigong extortionist group.
Nasayran nga milungtad sa 5 minutos ang maong engkwentro nga miresulta sa pagkamatay ni Hassan ug walay pagkaangol sa pundok sa gobyerno.
Lakip narekober sa encounter site ang tulo ka unit touch screen cell phone, usa ka calibre .45 nga pistola na gigamit ni Hassan.
Kasamtangang nagapadayon ang clearing ug pursuit operation sa pundok sa gobyerno sa maong lugar samtang gitugyan sa Sirawai PNP ang nakuhang ebdensiya ug ang patay’ng lawas ni Hasan human sa gihimong post mortem examination giclaim gilayon sa iyang pamilya.
