Pito ka mga samad dinunggaban sa tiyan ang nikutlo sa kinabuhi sa 57 anyos nga biktimang si Dolores Celocia residente sa Purok 7-A, Sto. Rosario Chapel, Nograles Gym, Bucana, Brgy. 76-A, Davao City.
Gisaysay sa mga silingan atol sa pagpaningil og bill sa tubig nagkapisikalay ang live-in partner sa suspek nga si Newlyn Perla ug ang giingong hubog nga biktima.
Niabot ang suspek ug nisulay pa og uwang apan didto na usab niini gidunggab ang iyahang inahan sa makadaghang higayon gamit ang kitchen knife.
Daling nisibat ang suspek human niini himua ang krimen.
Sa interbyu sa DXDC sa live in partner sa biktima sulod sa 16 ka tuig nga si Gilbert Resurrection nga awayon na gyod ang mag-inahan ug nisamot pa ang tensyon dihang buot ipabaligya sa biktima ang gipuy-ang balay sa suspek ug sa iyahang live-in partner.
Sumala kang Gilbert salbahis ang suspek ug aduna nay panghitabo nga gikulata na niini ang inahan ug gidunggab og gunting.
Ang bangi tali sa maginahan niabot na usab sa barangay.
Ang suspek maoy kinamagulangan sa lima ka anak sa biktima samtang ang tua karon sa abroad ang upat ka magsuon.
Matud ni Police Major Marvin Hugos, Station Commander sa San Pedro Police Station ni-surrender na ang suspek ug pasakaa’g kasong parricide.
RadyoMaN Aimee Guinita
