Lawyers, Pari, Law Enforcers, Gov’t Info Officers lakip sa mikuha sa KBP examination

140

Dili lang mga media personality ang mikuha sa KBP accreditation examinations apan lakip na usab mga abogado, pari nga anaa sa academe, information officers sa PNP ug Army ug mga information officers sa nagkalain laing buhatan sa kagamhanan.
Mao kini ang naglangkub sa 84 ka mga examinees sa KBP nga gipahigayun kagahapon Agosto 26, 2017 sa PCIIT Campus Butuan City.
Gipahayag ni Engr. Romy Zerrudo, chairman sa KBP Butuan-Agusan del Norte, nga ang mao nga exam usa ka kahigayunan nga mamahimong accredited broadcaster sa KBP. Ang KBP usa ka dakong kahugpungan sa mga radio and TV personalities nga nag silbi nga self regulator sa broadcast industry.
Mismong si Virdie Velasco, ang standards performance officer sa KBP gikan sa Manila mao ang mihatag sa maong examinations.
Usa ka bulan gikan karun, masayran na ang resulta ug ang mga passers ipailom pa kini sa management evaluation sa dili pa pagahatagan sa accreditation card sa KBP.

Facebook Comments