Ginklaro sang award-winning broadway icon nga si Lea Salonga kun ngaa indi siya maka-perform sa opening ceremony sang 30th Southeast Asian Games.
Suno sa Facebook post sang singer, gin-imbitar siya nga mag-perform sa opening sang SEA Games.
Si Lea ang nagkanta sang official theme song sang kahiwatan nga “We Win As One” nga ginsulat ni Ryan Cayabyab.
Pero kinahanglan niya nga dis-ayrehan ang offer bangud may nakalinya ini nga broadway show nga “Sweeney Todd” nga naka-schedule na sadtong nagligad pa nga mga binulan.
Dugang pa ni Lea nga wala man gin-anunsyo nga nalakip siya sa mga performer para sa opening ceremony sang torneo.
Advice naman sang singer sa mga artista nga maga-perform, “Have the best time”.
Gindayaw man ni Lea ang mga Pinoy nga atleta sa sports competition.
