TACLOBAN CITY – Arestado an leader han Bijaron Group, usa nga grupo nga nahihidabi ha gun for hire, Private Armed Group ngan ginkukuha han mga local politicians kun election ha gindumara nga operasyon han Criminal Investigation and Detection Group (CIDG) Northern Leyte ngan Hilongos PNP.
Ginkilala an naaresto nga hi Lucito Bijaron Alyas Boy, 58 anyos, residente han purok Nangka Brgy. Liberty Hilongos, Leyte.
Nakompiska ha iya an usa nga unit han smith & wesson caliber .38 revolver, 6 nga live ammos han cal .38, 1 unit han airsoft baby armalite ngan magazine, usa nga rifle grenade, 3 rounds han live ammos han cal .45, 6 rounds han live ammos han magnum 22, 2 rounds han live ammos han cal .22, 3 rounds ammos han 12 gauge shotgun, 20 nga round ammos han M16, 51 round live ammos han 60 caliber machine gun, 30 live ammos han 87.62MM, usa nga inside holster han cal .38, ngan tag usa nga magazine han M14 ngan M16.
