Ginakonsiderar sang League of Municipalities-Iloilo Chapter ukon LMP-Iloilo ang ideya nga mag-amot-amot ang mga banwa sa bilog nga probinsya agud maghatag sang reward sa mga informants agud madakpan ang ginatudlo panibag-o nga drug lords.
Ini ang ginpahayag ni Mayor Jett Rojas sang Ajuy, Iloilo, presidente sang LMP-Iloilo.
Suno kay Rojas nga gina-abi abi gid nila ang nasambit nga suhestyon kag ila ini paga-istoryahan sa ila meeting subong nga bulan.
Nahibaluan nga gintumod sang Police Regional Office 6 ang bag-o nga mga drug lord sa probinsya sang Iloilo sanday Ernesto “Erning” Bolivar sang banwa sang Pototan kag Federico Balume alyas Master Pedik sang banwa sang Sara.
Una diri, ginpahayag ni Rojas nga ila suportado ang mga programa ni Pangulong Rodrigo Duterte nga pag-away sa kriminalidad kag ilegal nga druga kabanagdanan masami niya nga gina-remind sa mga mayor sa probinsya sang Iloilo nga pabaskugon ang ila BADAC kag MADAC agud awayon ang illegal drugs.
