Davao City – Pagleakage sa filter machine pipeline ang gitudlo nga rason sa pagkasunog sa bahin sa Davao Bay Coconut Oil Mills sa may Kilometer 14 Panacan ning siyudad alas 7:00 sa buntag kagahapon.
Gisaysay nila ni Karel Jay Acero ug Jerome Gutierrres, mga filter machine operator nga nag leaking ang pipeline busa natuluan og mantika ang bombelya sa suga mao nagspark ang kuryente nga nagresulta sa pagbusikad.
Nalisdan ang mga bombero sa pagpalong sa kalayo mao nga makapila kahigayon migawas ug sulod ang mga firetruck aron magkuha og tubig.
Miabot og halos upat ka oras ang kumbati sa mga firefighter una hingpit nadeklara nga fireout.
Mokabat sa kapin 33 milyones ka pesos ang kinatibuk-ang damyos sa insidente.
RadyoMaN Joel Viray
Facebook Comments
