Learning Day Alang Ninyo SAGITTARRIUS ug TAURUS

14

Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.

ARIES: (Marso 21-Mayo 19) – Niabot na ang panahon na mailhan ka, busa ayaw pug-ngi imong kaugalingaon nga ipadayag ang imong gibati sa lain laing paagi. Adunay kalambigit sa romansa, talento o abilidad ang matagaan ug pag-ila ug uban pang aspeto sa imong kinabuhi.

TAURUS: (Abril 20-Mayo 20) – Adunay kausaban ang mahitabo labot kini sa imong pamilya ug sa balay. Kini magdala ug bagong repsonsibilidad konektado sa imong pamilya ug sulod sa balay. Presko na kasabotan dili mahimong dali apan makita nimo dinhi nga patas ra ang tanan.

GEMINI: (Mayo 21-Hunyo 21) – Nangandoy ka ug mabulahang pakighinabi. Ang imong kadasig na mahulma ang tanan bisan pa adunay mga kalisod sa pakigsabot, mapahimutang ra gihapon pabor kanimo.

CANCER: (Hunyo 22-Hulyo 22) – Kinahanglan ug dugang pokus pag-abot sa kwarta. Pagkonsidera sa limitasyon sa pag-gawas ug kwarta labing importante karon. Mao kini ang bag-ong sinugdanan sa imong pinansyal na estado.

LEO: (Hulyo 23-Agosto 22) – Tan-awa imong kaugalingon sa salamin. Ang pangutana, kinsa ka?? Ang paglantaw sa imong pagkatao ang imong hatagan karon ug atensyon ug pokus sa imong mga abilidad. Kung kini makatabang aron makita ang suporta sa lain tao kanimo aron makapokus ka sa ilang panginahanglan, dinhi nimo makita na ikaw matinabangon nga usa ka indibidwal.

VIRGO: (Agosto 23-Setyembre 23) – Halos tanan lihok sa usa ka tao muagi sa paghunahuna, nasayod man ta ni o wala. Imong mabati imong mga askyon, batasan ug pagresponde konektado sa imong panghunahuna o o mga damgo. Kung imong ginabalewala ang mensahe sa imong konsensya sa mga milabay na panahon oras na aron imo kining paminawon.

LIBRA: (Setyembre 24-Oktubre 23) – Naay mga pagbag-o nga panghitabo nga inyong masinati kauban sa imong barkada. Og tungod ni anang panghitabo-a, makatabang na nga maoy makapalig-on sa inyong relasyon isip barkada. Higugma-a gyud na og maayo imong barkada kay kung magsakit raba ka, adto raba dayun ka dagan sa ilaha.

SCORPIO: (Oktubre 24-Nobyembre 22) – Naay mga pagasenso nga mahitabo sa imong kinabuhi karon. Pwede ni sa trabaho nga mapromote ka o di ba kaya sa imong ka ilado, mas daghan pa gyud nga makaila sa imoha. Pero hinumdumi lang gyud permi nga ayaw kalimti ang mga tao nga dako kaayo og tabang sa imoha kay usahay raba tungod kay ni asenso ta, ma amnesia dayun ta.

SAGITTARIUS: (Nobyembre 23-Disyembre 21) – Mas daghan og mapun-an ang imong kaalam karon. Daghan kag makat-onan karong adlawa nga maoy maka parealize nimo sa mga butang nga naglibog paka og posible nga imong ma sakto ang imong mga sayop sauna. Walay tao nga bogo kung dili mag paka bogo.

CAPRICORN: (Disyembre 22-Enero 19) – Ang imong adlaw kabahin kini sa pinansyal. Ayaw og ka dismaya dayon nga wala nakay kwarta kay tungod limited ra ang imong budget. Himo-a kining adlawa nga inspirasyon sa imoha nga makat-on naka og unsa on nimo pagsigo ang imong kwarta para di gyud ka mahutdan. Ayaw lang pud kaayo sobra ka tihik kay basin mapasmo unya ka.

AQUARIUS: (Enero 20-Pebrero 18) – Naa kay mga kalibog sa pagbati ngadto sa imong hinigugma. Karong adlawa, imo na gyud maprove kung unsa jud kahay tinudanay nga inyong na bati sa usag-usa. Manigurado na gyud ta karong panahona kay basin loyal kay ta sa usa, unya siya loyal sa daghan.

PISCES: (Pebrero 19-Marso 20) – Naay mga pagusab sa imong kapalaran nga maoy makapakuntento sa imoha. Siguro kung unsa may naa nimo karon, wala paka malipay. Karong adlawa puno ka sa kalipay kay tungod dad-on ka sa kapalaran nga kung asa ka malipayon.

Mao kadto ang atoang LeenoWag Horoscope alang sa adlaw nga Sabado, Agosto 11, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com. Photo gikan sa web. (Sinulat ni DJ Leeno Gaw ug Boss Luwag)

Facebook Comments