Sa Facebook post ni JAS Mayor Jason John Joyce, hatagan og P2,000 ang mga government worker nga single basta sila adunay ka-date karong Pebrero 14, 2022.
“Sa mga LGU-JAS Employees na SINGLE!!! May date na ba kayo sa Feb. 14? I will allow you to go on leave on Valentine’s day with DATE ALLOWANCE in the amount of P2,000.00. Ready, set, hanap date!!!! Good luck!” tipik sa social media post sa mayor.
Sa criteria nga gihatag sa alkalde, kinahanglan lamang sa usa ka single employee nga magpakita nga adunay ka-date karong Valentine’s Day pinaagi sa text o chat. Kinahanglan usab nga fling-fling pa lang o dili pa sila opisyal nga mag-uyab. Kinahanglan usab nga walay boyfriend o girlfriend ang empleyado ug dili minyo. Apan angay nga magpakita og picture/s ang empleyado sa nahitabong date kay kung walay mapakitang ebidensya, kinahanglan niining i-refund ang P2,000 date allowance.
Matud sa mayor, nakuha niini ang ideya sa ubang LGU diin ginatugotan nga mag-leave ang usa ka loveless employee aron makapangita kini sa iyang true love o kaha ‘forever’.
RadyoMaN Kirby Manzon
