Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Mas dali kung ang sitwasyon sayon ra atubangon, apan adunay benepisyo na makuha bisan pa kumplikado kini. Mao ni ang sinyalis na aduna’y progreso ang imong giatubang karon, tungod kini naay kinabuhi, gadagan ug nagdebelop.
TAURUS: (Abril 20-Mayo 20) – Ayaw himoa ug kumplikado ang usa ka sitwasyon na imo giatubang karon. Ang kamatuoran na naa sa imong atubangan lamang ang tuohi ug wala nay lain pa. Pokus.
GEMINI: (Mayo 21-Hunyo 21) – Nanginahanglan ug pagsusi sa usa ka isyu mahitungod sa usa ka tao. Ang imong opinyon importante, bisan pa mutaas ang kilay sa uban sa imong palibot. Ipadayag sa maayong paagi aron masabtan. Mahiluna ra ang tanan.
CANCER: (Hunyo 22-Hulyo 22) – Maghinay-hinay. Mas maayo ipahimutang ang imong pagsulod sa usa ka sitwasyon. Ayaw dali-dalia, ug ayaw ihurot imong atensyon o pokus tanan.
LEO: (Hulyo 23-Agosto 22) – Ayaw dali-dalia ang pagputol sa usa ka relasyon tungod lamang sa mga nahitabo na. Ayaw kuha-e ug basehan ang mga miagi, hunahunaa pag-ayo para masalba ang relasyon ninyo sa imong mga higala o sa usa ka tao.
VIRGO: (Agosto 23-Setyembre 23) – Nagka-upos na imong pasensya ug anam-anam na sab nawala ang sa lain tao batok sa nagkalahi na ideya na gusto ninyong pareha mahitabo. Makatabang ang pag-abri sa inyohang mga huna-huna sa lain pang posibilidad ug pagsugod pagplano ug usab gikan sa sinugdanan.
LIBRA: (Setyembre 24-Oktubre 23) – Naay sitwasyon nga mahitabo sa imong adlaw karon nga dili perpekto para sa imoha pero makuntento raka. Di ka angay magoul kay naa ray panahon para ana nga maoy makapalambo sa imoha. In short, kat-on sad og huwat pero ayaw lang pag expect kay basin ikaw ray masakitan.
SCORPIO: (Oktubre 24-Nobyembre 22) – Di maproblema kung dili wala man gani mo nagkita sa imong hinigugma. Mas maayo noon na nga wala mo nagkita. Dili man kinahanglan nga magkuyog gyud mo kundi ang pagsinabtanay lang gyud sa usag usa ang maong labing importante. Tuga-tuga kag panguyab unya dili diay ka kahibalo mo sabot.
SAGITTARIUS: (Nobyembre 23-Disyembre 21) – Ayaw gyud dayon og padala sa mga tao nga bag-o ra nimo nailaila. Basin nalimot ka nga naay tao nga grabe kaayo ni effort sa imoha pero mas gipili nimo ang tao nga dili deserving. Mao nang dili mo diritso og too sa mga tao nga kahibalo ka mismo nga atikon raka. Hinumdi permi ang kanta ni Jacky Chang “Pero Atik Ra”.
CAPRICORN: (Disyembre 22-Enero 19) – Puno na kaayo og mga tao nga mangangatik aning kalibutana. Kung unsay atong makita o madunggan mo too gyud dayun ta. Mao gyud na ang imong angay bantayan karon. Gi boang na gani kas gugma, mag pa boang-boang pa gyud ka.
AQUARIUS: (Enero 20-Pebrero 18) – Daghan kaayo ka og mga bulohaton nga kinahanglan nimong tiwason. Pero sa imong pagbuhat niining mga butanga, mapasalamaton ka kay maoy hinungdan nga naa kay koneksyon ngadto sa uban. Mao nang dili gyud sigeg kupot sa cellphone, dili sigeg chat sa imong crush nga kabaw naka daan nga wala na diay kay chance para dili matintal niining mga butanga og mas mapadali nimo ang imong mga kinahanglanong tiwason.
PISCES: (Pebrero 19-Marso 20) – Daghang tao nga malipay para sa imoha kay tungod considerate kaayo ka karon. Ayaw gyud intawn to kalimti ang mga tao nga imong mga so-od. Dili lang kay permi imong gusto masunod. Give and take panagsa ba. Kay possible nga if di ka mo consider sa uban, mao na hinoon ni ang hinungdan ug sinugdanan sa tanan.
Mao kadto ang atoang LeenoWag Horoscope alang sa adlaw nga Martes, Hulyo 31, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com. Ang photo gikan sa web. (Sinulat ni DJ Leeno Gaw ug Boss Luwag)
