LeenoWag Horoscope for October 18, 2018

33

Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.*

ARIES: (Marso 21-Mayo 19) – Usa ka desisyon ang imong gidali dali ug nasipyat ka niini. Anaa ka karon sa sitwasyon nga napugos ug atubang. Hunahunaa ang kung asa ka nasipyat ug subaya pag-usab hinay
hinay aron masugdan ug makita nimo asa ka padulong.


TAURUS: (Abril 20-Mayo 20) – Ayaw ug salig kaayo sa mga ideya gikan sa lain tao, bisan pa nga nindot ni kay di ka mahago apan ayaw sad pirmintiha.

GEMINI: (Mayo 21-Hunyo 21) – Posible nga nasobraan ang para kanimo sa usa ka pinansyal nga aspeto. Kung kini nahitabo karon sulod sa negosyo, oras na nga ikaw mismo ang mangulo. Ganahan ka musuporta apan di ka ganahan nga ilaron.

CANCER: (Hunyo 22-Hulyo 22) – Imong gibati karon nga ikaw ra usa ang nag-atubang sa problema ug walay suporta gikan sa lain tao, apan hapit na nimo madawat ang suporta nga imong gihuwat.

LEO: (Hulyo 23-Agosto 22) – Adunay benepisyo kung ikaw ra ang makasolbad sa problema apan ayaw sab kalimti nga kung daghan ang mutabang mas dali masulosyonan ang problema. Wala man kay makita sa karon nga tabang gikan sa imong palibot, ayaw kabalaka kay sa oras nga kinahanglan na nimo ug suporta muabot ra kini, barugi ang imong pagka lider karon.

VIRGO: (Agosto 23-Setyembre 23) – Masinati nimo karon nga ginadali-dali nimo pagduso ang usa ka isyu, apan ayaw padala sa sa panahon. Bisan pa makumpara nimo sa mga niagi nga dali ang kalampusan, dili kini pasabot nga mapakyas ka karon. Salig ug unsa ang naa sa imong kasing kasing tungod kini ang magdala kanimo sa aginan padulong sa resulta nga imong gipangandoy.

LIBRA: (Setyembre 24-Oktubre 23) – Dako og chansa nga magmalampuson ka. Karon ang saktong adlaw nga imong ipakita sa kadaghanan nga deserving kas imong gipangandoy aron ma prove gyud nila nga deserving ka. Naa nimo ang tanang gahom karong adlawa mao nang ayaw na sige og pacutecute kay di ka cute.

SCORPIO: (Oktubre 24-Nobyembre 22) – Dakong obligasyon ang imong ginahimoon karon tungod kay daghan kaayo kag gihunahuna. Dapat dili na nimo iloom o magpabiling sekreto sa imong kaugalingon. Imo gyud na dapat i share sa uban kung unsa man gani ang naa sa imong hunahuna kay basin mao rani solusyon sa mga butang nga kinahanglanan og connection.

SAGITTARIUS: (Nobyembre 23-Disyembre 21) – Naa tay mga tagsatagsang pamaagi nga diskarte sa atong kinabuhi. Sa ilang pagtoo sa ilang kaugalingon nga sakto para sa ilaha pero para nato kay dili. Oportunidad nani nimo nga imo silang tabangan og tudluan sa mga lain pang pamaagi para madali ang ilang trabaho. Dili kay imoha rang crush ang imong tabangan sa iya problema kay dili gyud na madayun nga magkakamo.

CAPRICORN: (Disyembre 22-Enero 19) – Usahay sa sobra nato ka inlove sa usa ka tao, makalimot nata nga wala nay nahibiling gugma para sa atong kaugalingon. Intawn ayaw gyud na kalimti imong kaugalingon. Kung gipaasa man gani kag maayo anang tawhana, dili magoul kay daghan pa kaayog tao aning kalibutana nga mo dawat sa imoha kung unsa ka.

AQUARIUS: (Enero 20-Pebrero 18) – Ang atong panimalay maoy sinugdanan sa tanan. Naa diri tanan ang imong nasinati sama sa gugma gikan sa imong pamilya o mga pagpangga gikan sa imong mga igsoun. Naay mga panghitabo sa inyong panimalay nga maoy mo resulta nga mas mo hugot pa gyud ang imong relasyon didto ka nila. Mas maayo pa siguro nga imong hatagan og oras ang imong pamilya kaysa sa imong uyab nga walay ayo.

PISCES: (Pebrero 19-Marso 20) – Pagbantaybantay kay sawayon ka sa mga tao nga naa ra sa imong palibot. Aware gyud ka nga daghan gyud og mga himantayon apan dili gyud na nato sila malikayan. Ayaw nalang na sila hunahunaa kay ikaw ray ma stress. Mga wala rana silay lingaw sa ilang kinabuhi!

Mao kadto ang atoang LeenoWag Horoscope alang sa adlaw nga Huwebes, Oktubre 18, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com.(Sinulat ni DJ Leeno Gaw ug Boss Luwag).

Facebook Comments

From Advertisers