Ginkalipay ni Local Economic Enterprise Office head Mr. Ariel Castaneda ang plano ni Mayor Jose Espinosa III nga magpaggwa sang executive order para sa adjudication sang mga stalls sa merkado sang syudad.
Suno kay Castaneda madugay na niya ini ginapaabaot agud matumod na ang mga actual nga nagaposisyon sa mga stalls.
Pahayag ni Castaneda masolbar sang adjudication ang nagaduging nga problema sa merkado ilabi na ang ownership sang mga stalls.
Pasalig ni Castaneda, sa tion nga magpaggwa na sang order ang alkalde gilayon nila nga umpisahan ang adjudication process.
Pangunahan sang market committee sa pagpamuno sang alkalde kag city administrator bilang alternate and adjudication.
Sa kabug-usan halos sa 3000 ang mga stalls sa mga public markets nga ginapangunahan sang Terminal Market kag Central Market.
