Davao City- Giengganyo sa Davao Urban Farming Practioners Association ang mga farmers nga organic fertilizers na ang gamiton para sa ilang mga pananom.
Segun ni Maxey Atog bise presidente sa Davao Urban Farming Practioners Association nga inay ipanglabay ang mga lamaw, leftovers, mga panit sa prutas, karton ug uban pa diha sa mga panimalay himuon kining mga abono.
Makatabang usab kini sa solid waste management sa syudad, ma-mitigate ang mga epekto sa climate change ug maayo kini sa panlawas.
Gidasig usab ni Atog ang tanan nga mananom sa ilang mga kaugalingong mga gulay ug mga prutas.
Sumala niini nga sa urban gardening dili na magkinahanglang adunay dakong luna aron ka makasugod og pananom.
Ug kung gusto usab og extra income, pwedi kini mahimong negosyo.
Sa pikas bahin ang lokal nga panggamhanan adunay inisyatibo aron mapromotar gayod ang organic nga mga produkto matag Huwebes ug Biyernes sugod alas 9 hangtod alas 6 sa gabie adunay exhibit sa Rizal Park.
Makapamalengke kana og mga organic nga mga gulay, prutas ug uban pa sa ubos kaayo nga presyo.
RadyoMaN Aimee Guinita
