CAUAYAN CITY – BILANG BAHAGI NG PAGDIRIWANG NG IKA-30 POLICE COMMUNITY RELATIONS (PCR) MONTH, NAGSAGAWA NG LEGAL FORUM ANG PNP ISABELA PARA SA MGA IMBESTIGADOR AT WOMEN AND CHILDREN PROTECTION DESK (WCPD) PERSONNEL.
GINANAP ITO KAHAPON, IKA-8 NG HULYO, SA IPPO MULTI-PURPOSE HALL, BRGY. BALIGATAN, LUNGSOD NG ILAGAN.
PINANGUNAHAN NI PLTCOL JOMAR F. JULIAN NG POLICE COMMUNITY AFFAIRS AND DEVELOPMENT UNIT ANG AKTBIDAD, KASAMA ANG MGA PILING IMBESTIGADOR MULA SA IBA’T IBANG ISTASYON NG PULISYA SA LALAWIGAN.
NAGSILBING TAGAPAGSALITA SI PMAJ MARVIN P. PASCUA, PROVINCIAL LEGAL OFFICER NG PNP ISABELA, NA TINALAKAY ANG MGA PANGUNAHING ASPETO NG CASE HANDLING AT LEGAL PROCEDURES.
SA KANYANG TALAKAYAN, BINIGYANG-DIIN NI PMAJ PASCUA ANG KAHALAGAHAN NG TAMANG DOKUMENTASYON, PAGHAWAK NG EBIDENSYA, AT PAGSUNOD SA MGA LEGAL NA HAKBANG UPANG MAIWASAN ANG PAGKAKABASURA NG KASO.
LAYUNIN NG AKTIBIDAD NA MATIYAK ANG SAPAT NA KAALAMAN NG MGA PULIS SA BATAS UPANG MAKAPAGHATID NG MAKATARUNGAN, MAKATAO, AT EPEKTIBONG SERBISYO SA PUBLIKO.
