May mga persons of interest na ang Leganes PNP tuhoy sa kamatayon sang 11-anyus nga bata nga una gin-alegar naghikog apang may foul play suno naman sa Autopsy result.
Ginpahayag ni PO2 leo banuego,imbestigador sang Leganes PNP nga may mga persona na sila nga ginatumod nga posible suspek sa kamatayon sang bata, apang indi pa karon mahingadlan bangud man sa kakulang sang ebidensya.
Ginsiling man sini nga base man sa ila padayon nga pag-imbestigar, ginakonsiderar man nila ang panaysayon sang mga kaiping nga balay sang biktima.
Samtang ginsiling naman ni Leticia Ginon, ang makabig nga lola na sang biktima nga may nabatian ini nga hurongkadol nga daw kaangay sang gahod sang ido sang oras antes pa man nasapwan ang bata nga nagabitay sa lubid sa balayan.
