Dipolog City – Wa pa kapagawas og final report ang Bureau Fire Protection o BFP Dipolog atol sa gipahigayong Legislative Inquiry kagahapon alas 10:00 sa buntag sa may Sanguniang Panlalawigan Session Hall dinhi sa dakbayan sa Dipolog.
Kon unsa gayud ang tinubdan sa kalayo nga niulbo sa Human Resource Management Office og buhatan sa Provincial Accounting nga nahimotang sa may ground Floor sa Convention Center niadtong Domingo sa kaadlawon.
Si Senior Fire Officer 2 Renato Valasco Jr. BFP Station Care Taker, nipadayag ngadto sa mga magbabalaod sa probinsiya, nga base sa procedural investigation, one week after the incident pa sila makapagawas ug progress report sa pagtino sa hinungdan sa kalayo ug pagvalidate sab kon pila gayud ang kinatibok-ang damyos niini.
Kahinumduman nga si Board Member Ronilio Lee ang mipasupot sa resolusyon sa milabay’ng adlaw, diha sa iyang gipalanog nga privilege speech aron sa pagtukad sa kamatuoran sa nahitabo nga sunog kondiin gikatingala niini kon ngano nga more or less Bayente Mil ka pesos (Php 20,000.00) lang ang nahimong damyos, nga matud pa ni PHRMO Filmie Beluan nga mosobra 20 ka computers,ingon man printers, duha (2) ka bag-ong aparador type air-condition units gawas sa mga karaan niini ug daghanan pa lakip na ang mga nangadaut nga mga kagamitan sa accounting office nga gilamoy sa maong sunog.
Kini sab gitubag ni Fire Officer 2 Alchester Progoso investigator sa kaso ang ilang gibasihan sa estimated damage diha sa spot report nga more or less 20 mil ka pesos mao lang ang structural damages sa fire scene ug wala pay labot ang mga gamit nga nasunog sanglit on-going pa ang ilang investigation.
Si FO2 Progoso nipakita sab sa kuha sa CCTV nga naka instalar sa dapit nga usa sa ilang gisubay karon base sa ilang nakita sa footage ang kalayo nagsugod sa may outlet nga nakasaksak matud pa ang mga UPS nga posibilidad nga dunay spark.
Nasuta sab niini sa Fire Screen nga dunay nahitabong octopus wiring kon diin unom ka mga extension wire ang nagkutaykutay sa mga outlet nga nakakonektar sa mga computers.
Nasayran sab sa maong Legislative Inquiry, gumikan sa maong sunog nga sumala pa sa Provincial Accountant dunay pagkalagay ang pagproseso sa sweldo sa mga empleyado sa probinsiya sanglit wa pa silay magamit nga computers igon man baldado sab ang transaction sa HR.
