Aduna nay nasampolan sa sunog nga trahedya
Natanggal mga opisyal sa hingtungdang ahensya
Nakab-ot na kaha ang gihandum nga hustisya?
Nagsubo sa gihapon ang pamilya sa biktima.
Wala pa gyud makumpleto ang inbestigasyon
Kung si kinsa gayod ang angay nga mahayon?
Unta mga kalag sa biktima mupahulay sa dayon
Mga hinampak nga responsable dili kalag kalagon.
Hinaot magsilbing leksyon sa tanang establisamento
Tumanon ang mga rekisitos nga gibasi sa reglamento
Simbako adunay mga bulyaso dili unya makumpormiso
Aron kinabuhi dili mabutang sa bung-aw nga peligro.
Kasama ang kinabuhi maoy labing importante sa tanan
Angay gyud i-prioridad ug ihiklin una ang mga kabtangan
Pagsalbar sa nakulgot mao gyud unta ang paningkamutan
Kun dunay kalapasan angay silotan bugti sa kasaypanan.
RadyoMaN Erin Lumosbog
