Sa interview sa DXDC RMN Davao kang Police Major Jun Bautista, Chief of Police (COP) sa Panabo PNP, iyahang gibutyag nga gabii nahitabo ang pagpanglungkab sa RDM 128 Lending Corporation.
Sumala pa nga gihiloan sa mga suspect ang bantay nga iro sa establisemento rason nga sila nakasulod ug natangag ang kwarta nga anaa sa kapin P186,000.
Sa pagkakaron, ginapanubayan na sa kapulisan ang closed circuit television (CCTV) camera nga ilang nakuha aron maila ang tulo ka mga suspetsado, diin usa kanila nagsilbing ilang lookout.
“Meron na man kaming hawak na CCTV kaso mga naka-mask, naka-bonnet yung mga suspect but meron na kaming persons of interest,” butyag ni Bautista.
Giawhag usab sa Panabo PNP ang publiko nga ipahibalo sa kapulisan kung sila adunay kasayuran o impormasyon sa insidente ug mga responsable niini.
RadyoMaN Kirby Manzon
