Lespu, 2 trabajante irido na tiroteo

7

*Un pulis y su dos trabajante na su lecho stand ya sale irido despues dos persona ya rega de bala canila na Jamisola, Santa Lucia, Pagadian City del Biernes denoche.*
*Con el maga victima ya conoso como canda PO2 Prometheus Paras Remolador, 41, casao, assigned na Regional Mobile Force Battalion 9, 902nd Maneuvering Company na Balintawak, Pagadian City; Glendel Garciano Delator, 33 y si Melchor Pasyol Siso, 21, ambos maga lechon workers di Remolador.*
*Na report del pulis ta aparese banda alas 8:45 del noche si Remolador y su dos trabajante ta atende con el lecho stand cuando dos persona muntao na un motorsiclo ya llega y ya para confrente canila.*
*Derepente ya lang asegun el ancas deste ya arangca 45 pistola y ya tira canila.*
*El maga suspechao ya escapa despues del incidente.*
*Con el maga victima ya lleva entabla na hospital.*
*Mientras el maga pulis ya recobri un punta y 4 capsula de 45 pistola na lugar del crimen. *

Facebook Comments