Davao City – Wala nahimong babag alang kang Chanda May Dequito Sumiga, 28-anyos, taga Brgy. Ngan, Sitio Valma, Compostela, ComVal Province, top 3 sa Licensure Examination for Teachers (LET) Elementary level ang iyang problema sa iyang pagdungog aron makahuman sa pag eskwela ug pagkahimong top notcher sa board examination.
Sa interview sa DXDC RMN Davao kang Sumiga, mi-gradwar sa Legacy College of Compostela (LCC) sa kursong Bachelor of Elementary Education (BEEd) – Generalist, gisaysay niini nga migamit kini og hearing aid aron makatabang sa iyang LET review. Gani aduna kini mensahe ngadto sa uban pang Persons with Disabilities (PWDs).
“Gusto lang nako ipaabot sa mga PWDs nga okay ra kung kataw-an ta usahay kay syempre usahay naa man gyud tay mga kakulangan. Usahay gara-garaan man gyud ta sa mga tao kay dili man gyud ta perfect. Okay ra na kung kataw-an ta, basta ang inyuha lang, paningkamot mo’g inyuha. Always ninyo huna-hunaon nga kung kaya sa ubang tao, kaya pud nato,” saysay ni Sumiga.
Samtang, gipaambit usab niini ang iyang preparasyon ug sekreto ayha ang pag take sa nahisgutang exam.
“First, study hard. Second, pray harder. Mao gyud na akong motto sauna. Kay og duol man gud ka sa Ginoo mas dako gyud imong chance nga mag top or mupasar sa exam,” saysay ni Sumiga.
Nasayran nga si Sumiga ang unang LET top notcher sa kasaysayan sa Legacy College of Compostela kinsa nakakuha og (92.60%).
RadyoMaN Kirby Manzon
