TACLOBAN CITY – Ha tensyon nga nahihinabo ha Leyte Metropolitan Water District o kun LMWD, nagkayan na hi Leyte Governor Dominic Petilla hini nga sitwasyon.
Hiya man gud an nag-appoint han mga Board of Directors han Leyte para ha LMWD.
Ha interview han RMN kan Petilla, sumala ha iya, nagpwersa pagsulod an mga gintudlok nga Board of Directors han Tacloban City Government ha LMWD.
“An nahitabo man gud hito, nagpwersa pagsulod ngan pagtake-over han facilities, i think that’s not the solution, an solusyon dida is let the court deside para diri mabutang ha alanganin nga situation iton mga consumers.”
Para kan Governor Petilla, an mga Board of Directors nga gin-appoint niya in ansya la gihapon an B-O-D yana pero han pakianhi han RMN kun kayano umiwas man hira ha LMWD Office ha Nula-Tula, adi iton baton han Gobernador.
“Kay medyo delikado. Delikado kay bangin kuan, it was their opinion man ngani han mga board nga kun adto hira bangin may mahitabo nga diri maupay ha ira.”
Nagkakamayada naman ngani tensyon ha LMWD, siring han Gobernador nga padayon nga maato ha korte an iya gintudlok nga B-O-D kay hiya pa man daw iton may katungod nga mag-appoint hini.
