TACLOBAN CITY – Nangaro na hin pasaylo an Leyte Normal University (LNU) ha YouTube personalities nga hira Manny Mua ngan Bretman Rock tungod nga naapil an ira litrato ha school dress code poster.
Sumala kan Jacqueline Espina, Dean of LNU Students Affairs, nasusubo an unibersidad ha nahinabo pero waray daw malisyoso nga intensyon an post ha facebook.
“The university is saddened that this has to happen but we wish to inform you that this was done without malicious intentions of maligning your persons. With much regret we offer our sincerest apology for this action,”
An poster nag nagpapakita hin guidelines ha maupay nga postura han lalaki in nagviral ha social media.
Ha litrato, makikit-an an mga haglaba nga buhok han mga kalalakin-an nga ginlabel kumo “inappropriate”. Apil gihapon ha litrato an “improper grooming for men” kasunod hini an mga litrato han lalaki nga mayada facial hair, ariyos, make-up ngan panbabayi nga surul-uton.
Tungod hini, an LNU in nagkamayada na aksyon hnasabi nga controversial poster sugad han pag-issue hin memorandum ha ngatanan nga faculty, staff ngan estudynate han unibersidad nga undangon na an pagpakalat han poster ha social media.
Ginpara na gihapon an poster ha University Student Council’s Facebook Page.
Nagpadara na gihapon hin public apology an unibersidad via e-mail ha nasabi nga mga personalidad.
