Nag-react ang LGBT (Lesbian, Gay, Bisexual, and Transgender ) Community sa siyudad sang Iloilo sa nangin pahayag ni anay provincial administrator Manuel Mejorada batuk sa mga miyembro sang LGBT.
Suno kay Mr. Edgar Lopez Suelo, isa ka International Interior Designer kag miyembro sang LGBT, balewala sa ila kon may isyu si Mejorada sa isa ka tawo ilabi na kon sa isa ka LGBT ugaling nasakitan lamang sila bangud ginadalahig sini ang tanan nga LGBT nga wala labot sa ila away.
Ang pahayag ginhimo ni Suelo matapos ginpahayag ni Mejorada sa isa ka interview nga may posibilidad nga mangin corrupt ang mga “agi” kasunod sang pag-ako ni Executive Assistant Von Superio nga isa ini ka agi sa isa ka speech matapos nagpautwas sang hibubun-ot sa pag-akusar sa iya ni Mejorada sa Ombudsman.
Suno kay Suelo nga kuntani gintumod lamang ni Mejorada ang natungdan nga iya gina-isyuhan kag indi na pagdalahigon ukon i-generalize ang tanan nga LGBT.
Angut sini, magasapol ang LGBT community agud istoryahan ang isyu kag kon ano nga tikang ang ila himuon batuk kay Mejorada.
