Davao City – Nagtoo ang ginikanan sa usa ka binabaye nga gipatay sa Barangay Moteverde Agdao ning syudad niadtong miaging adlaw nga naalaan lang ug dili mao ang target sa mga mamumuno.
Sa interview sa DXDC RMN Davao pinaagi ni RadyoMaN Don Pulayao sa inahan nga si Lonida Castillo, gituohan niya nga nadamay o napagan lang ang iyang anak nga si Alexander Castillo, 27 anyos nga taga Samal tungod kay maoy naabtan sa mga suspetsadong mipusil nga miresulta sa kamatayon sa biktima.
Matud ni Lonida nga walay gikabangi o atraso nga nahimo ang iyang anak aron patyon.
Kahinumduman gipusil patay si Castillo sa nakalabay’ng kadlawon sa wala mailhing riding in tandem sa maong lugar.
Samtang anaa sa ilang balay gihaya sa Barangay Villarica , Babak Island Garden City of Samal si Alexander ug wala pa masayri kung kanus-a ilubong.
RadyoMaN Bernard Pantallon
