Davao City – Gitugotan sa motorcycle back-riding ang LGBTQ kun lesbian, gay, bisexual, transgender and queer community.
Matud ni Davao City Mayor Sara Duterte-Carpio nga sa subay sa gipagawas nga memorandum, gawas sa magti-ayon o mag-asawa, lakip ang mag boyfriend ug girlfriend sa gitugotan sa angkas diin lakip na niini ang LGBT couple basta nag-uban sulod sa usa ka balay.
“Ang LGBT wala man silay marriage so dili sila matawag nga husband and wife, but nakabutang diri boyfriend and girlfriend, so it also includes the LGBT gender,” segun sa mayor.
Gibutyag sa alkalde isip pagpamatuod, ipakita lamang sa nahisgutan ang ilang identification card (ID) nga nagbaton og susamang apilyedo o ID nga nagbaton og parehong address.
Samtang, nagpagawas na ang City Government of Davao og sample sa barrier design nga ibutang sa motorsiklo isip usa sa mga measures aron kalikayan ang Coronavirus Disease 2019 (COVID-19) nga mamahimong sundon sa tanan.
RadyoMaN Kirby Manzon
