CAUAYAN CITY – KINILALA BILANG HALL OF FAMER SA 2025 COOPERATIVE MONTH CELEBRATION ANG LGU BURGOS CREDIT COOPERATIVE MATAPOS NITONG MULING MAKAMIT ANG PINAKAMATAAS NA PARANGAL PARA SA NATATANGING PERFORMANCE AT KONTRIBUSYON SA COOPERATIVES SA REHIYON.
PORMAL NA KINILALA ANG LGU-BURGOS COOPERATIVE BILANG HALL OF FAMER PARA SA 2025 COOPERATIVE MONTH CELEBRATION MATAPOS NITONG MASUNGKIT ANG BEST PERFORMING COOPERATIVE AWARD SA LOOB NG DALAWANG MAGKASUNOD NA TAON MULA 2023 AT 2024.
BILANG HALL OF FAMER PARA SA 2025, TUMANGGAP ANG KOOPERATIBA NG P25,000 CASH PRIZE AT PLAKE BILANG BAHAGI NG PRESTIHIYOSONG PAGKILALA.
ANG PAGKILALA AY TINANGGAP NI SB SECRETARY GRECILIO GRAGASIN, JR., CHAIRMAN NG LGU-BURGOS COOPERATIVE. PATULOY NA ITINATAGUYOD NG KOOPERATIBA ANG KANILANG MISSION NA BUMUO NG MATATAG NA EKONOMIYA AT MAGHATID NG DEKALIDAD NA SERBISYO AT PROGRAMA PARA SA LAHAT NG MIYEMBRO.
NAKATUON DIN ANG KANILANG VISION SA PAGBIBIGAY-KAPANGYARIHAN SA BAWAT KASAPI SA PAMAMAGITAN NG MAS MARAMI AT MAS MAHUSAY NA SERBISYONG TUTULONG SA PAGKAMIT NG TAGUMPAY AT PAG-UNLAD NG KABUHAYAN.
