CAUAYAN CITY — NAGPAALALA ANG PAMAHALAANG LUNGSOD NG CAUAYAN SA MGA MAGULANG AT GUARDIANS NA MAGING MAS MAPAGMATYAG AT MAINGAT HABANG NAMAMASYAL SA PASKUHAN SA CAUAYAN, UPANG MASIGURO ANG LIGTAS, MAAYOS, AT MASAYANG KARANASAN PARA SA LAHAT NG BISITA.
AYON SA LGU, BAWAT ILAW AT DEKORASYONG MAKIKITA SA PASKUHAN AY MAINGAT NA INIHANDA UPANG MARAMDAMAN NG MGA CAUAYEÑO ANG DIWA NG KAPASKUHAN.
KAYA’T HINIHIKAYAT ANG PUBLIKO NA GABAYAN NANG MABUTI ANG MGA KABATAAN UPANG MAPANATILING MAALIWALAS AT KAAYA-AYA ANG PASYALAN.
DAGDAG PA NG LGU, MAHALAGA ANG CLEAN AS YOU GO NA ISANG SIMPLENG HAKBANG NGUNIT MALAKING AMBAG SA KALINISAN AT KAAYUSAN NG LUGAR.
PAALALA NG CITY GOVERNMENT NA DALHIN O ITAPON SA TAMANG BASURAHAN ANG ANUMANG KALAT, AT PANATILIHIN ANG DISIPLINA HABANG NAG-EENJOY SA PASKUHAN.
TINIYAK NG LOKAL NA PAMAHALAAN NA ANG SELEBRASYON AY PARA SA LAHAT KABILANG ANG MGA BATA, PAMILYA, AT BISITANG NAIS MARAMDAMAN ANG MASAYA AT MAKABULUHANG PASKONG CAUAYEÑO.
ANG PAGKAKAISA AT MALASAKIT NG BAWAT MAMAMAYAN ANG MAGPAPANATILI SA KASIYAHAN AT GANDA NG PASKUHAN SA LUNGSOD NG CAUAYAN.
