CAUAYAN CITY – NAGPAALALA ANG LOKAL NA PAMAHALAAN NG CAUAYAN CITY SA PUBLIKO NA MAGDOBLE-INGAT SA POSIBLENG BIGLANG PAGTAAS NG TUBIG SA MGA MABABABANG LUGAR AT SA MGA NAKATIRA MALAPIT SA ILOG.
PINAYUHAN ANG LAHAT NA IWASANG TUMAWID SA BAHA O SA MGA RUMARAGASANG TUBIG, LALO NA SA GABI KUNG KAILAN MAHIRAP MAKITA ANG DALOY NG TUBIG AT POSIBLENG PANGANIB.
PATULOY DING PINAALALAHANAN ANG PUBLIKO NA MAKINIG SA MGA OPISYAL NA ABISO MULA SA CITY DISASTER RISK REDUCTION AND MANAGEMENT OFFICE (CDRRMO), EMERGENCY OPERATIONS CENTER (EOC), AT SA KANI-KANILANG BARANGAY UPANG MAGING LIGTAS AT HANDA SA ANUMANG SITWASYON.
IMINUNGKAHI RIN NG MGA AWTORIDAD NA IHANDA ANG MGA PANGUNAHING GAMIT SA EMERGENCY TULAD NG PAGKAIN, INUMING TUBIG, FLASHLIGHT, AT MGA IMPORTANTENG DOKUMENTO SAKALING KAILANGANING LUMIKAS.
AYON SA LGU CAUAYAN, ANG KALIGTASAN NG BAWAT MAMAMAYAN ANG KANILANG PANGUNAHING LAYUNIN SA GITNA NG BANTA NG PAGBAHA.
