Davao City – Tataw nga aduna gayuy diskriminasyong nagapanghitabo taliwala sa COVID-19 pandemic.
Matud ni Dr. Gene Gulanes, Assistant City Health Officer for Administration, dili mapugngan karon nga ang matag lugar magpatuman og istrikto nga health protocols sa tinguha nga mapugngan ang padayong pagkaylap sa coronavirus disease.
Matud ni Gulanes, kinahanglan nga magkahiusa ang mga lideres sa mga lokalidad diha sa gipatumang protocols alang sa movement sa mga katawhan.
“Dapat they have to come up with decision ba, naay consultation from head to head, mayor to mayor or governor to governor if they are going to travel from one to place to another,” sumala sa maong health official.
Gibutyag usab ni Gulanes nga aron kalikayang adunay mahitabong diskriminasyon, gikinahanglang adunay i-isyung medical certificate nga maoy dalhon sa mga residente sarang ikapakita ngadto sa mga awtoridad nga anaa sa mga border sa lugar nga ilang pagaadtoan.
Una niini, pipila ka mga LGUs denhe sa Southern Mindanao nagpadayag sa ilang hangyo nga sila hatagan una og igong panahon nga i-montar ang health measures sama sa rapid testing ug uban pang quarantine procedures tungod ug alang sa seguridad sa tanan.
RadyoMaN Aimee Guinita
