Davao City – Gikalipay sa City Government of Davao ang gidonar nga laptops gikan sa usa ka pribadong kumpanya alang sa mga kwalipikadong estudyante sa syudad sa Davao kabahin sa Share a Laptop Program sa lokal nga panggamhanan, diin opisyal kining turnover ug gidawat ni Davao City Mayor Sara Duterte-Carpio kagahapong adlawa (Pebrero 26, 2021).
Matud ni Norman Baloro, Presidential Commission For The Urban Poor (PCUP) Supervising Commissioner for Mindanao ug LGU Davao Special Projects, Program Manager, benepisyaryo sa maong bag-ong gidonar nga laptops mao kadtong mga nag-apply sa milabay nga tuig nga wala naapil sa naunang nahatag nga laptops ug tablets.
“Naa ‘tay next priority na aplikante ani na project. Ubay ubay ang nag apply na niini niaging tuig kay tungod sa limited na units maong naay wala nahiapil pero kay naa man ning maayong balita naa na pod ‘tay mahatagan sa mga nag apply na nga next priority under the student laptop/tablet sharing project,” matud ni Baloro.
Segun ni Baloro, adunay instructions si Mayor Sara nga ang sunod nga 25 ka mga pangalan sa mga estudyante sa masterlist ang makadawat sa maong kagamitan.
Mamahimong usab nga mo-contact sa 0999-991-6903 alang sa dugang pangutana mahitungod sa maong programa ug uban pang impormasyon mahitungod sa susamang mga programa sa lokal nga panggamhanan.
RadyoMaN Kirby Manzon
